"سمسم.. ابن جمصة اللي عايش بعزة نفس وقلوب الناس بتحبه"
إسلام محمود المعروف بين أصحابه وأهل بلده باسم "سمسم"، واحد من شباب جمصة اللي بيثبتوا إن العزة والجدعنة لسه عايشين في زمن كله صعوبات.
سمسم طالب في كلية التربية الرياضية، اختار طريق يمشي فيه عن قناعة وحب، لأنه شايف إن الرياضة مش بس نشاط، دي أسلوب حياة بيعلم الصبر والانضباط والقوة. وبرغم دراسته، ماوقفش عند حد معين، دايمًا بيدوّر على الجديد ويثبت إن الشباب قادر يفتح لنفسه أبواب كتير.
اللي يقابل "سمسم" مرة بيعرف إنه مش شخص عادي.. عنده قبول في وشه، وكلمة طيبة بتخرج منه تخلي اللي حواليه يرتاحوا ويحبوه. والأجمل من كدا إنه دايمًا واقف جنب الناس، يساعد ويقف في المواقف من غير ما يستنى مقابل، وده اللي خلى سمعته تسبق خطوته.
فقد والدته – رحمها الله – اللي كانت أكتر إنسانة بتحبه وتفتخر بيه، لكن ذكراها فضلت معاه، بتديله عزيمة إنه يكمل طريقه وهو رافع راسه ومتمسك بكرامته.
النهارده "سمسم" بيتشاف كرمز من رموز جمصة، وقدوة لشباب دمياط والدقهلية، وصورة واضحة إن الكرامة والرجولة مش شعارات، دي حياة كاملة عايشها يوم ورا يوم
إرسال تعليق